हो दिषुम रे सिंगी चान्डुः अनाचुर ओन्डोः आसेनते मनातिङ कैलेन्डर
आबु हो दिषुम रेयः दोष्तुर मनातिङ को चिलिका जोनोम आँदि गोनोःए एमन, ओन्डोः दिपिलि आषड़ा पोरोब पोनई मनातिङ इंगुलको ओकोन सिंगी चान्डुः आचुरतेबु मनातिङ तना एनाको मिड मोतमोंजोतो ते होबन चा ओन्डोः मिडोःचाबु मेनते नेया आसरा उड़ुः मोने सिदं कोगे गोरगोणिड (काल गणना चि नेलोःओ कैलेन्डर) चपव मरसल कुरुमुटु दो आदि संस्कृति विज्ञान शोध संस्थान झींकपानी पायते होबन तना। सबिन ने’ग-दोष्तुर, बोंगा-बुरु, राईषि-पन्डाइति, एरे-पीड़ा एमन दिन मुन्डि सला पोक्ता लगिड इंगुल सकम चापु चिपुड दईयोः लेकन मियड पिटिका सकम लेकन नेन लिटा गोरगोणिड रे हो दिषुम रेयः हा’टो नुमु सुमिहर, मुंगडुहर, बुदुहर, गुराहर, षुकराहर, शुनिहर, रुईहर, चांडुःउ आसेन मुलुःउ, गपा तेर, मेयं तेर, ईनदिरिः तेर, तिरतिरिःई तेर, एन तिरतिरिःई तेर, मि हाट, आटोहारि, ईपिसिंग, आंगरा, बोयटा, बासि, तासि, आंआई, पोनाई, केचःअ्, गपा तरा, मेयं तरा, ईनदिरिः तरा, तिरतिरिःई तरा, एन तिरतिरिःई तरा, आदिड, आटोहारि तरा, ईपिसिंग तरा, आंगरा तरा, बोयटा तरा, बासि तरा, तासि तरा, ईपिसिंग तरा, आंगरा तरा, बोयटा तरा, बासि तरा, तासि तरा, निरसँदि एमन लेकाको मेनःअ्। चांडुःउ रेयः नुमु कोदो मगे, बादि सेन्दरा, हपल, बपल, आचड़ा, अतेन, आदोर, कोहोरा, जोनोम, षुकन, सरदि नेका मेनःअ्।