15 अक्टुबर 2023, जमशेदपुर.
आदिवासी हो द्वितीय राजभाषा कार्यसमिति झारखण्ड, हो लैंग्वेज एजुकेशन कांउन्सिल, आदिवासी हो समाज समन्वय समिति जमशेदपुर पूर्वी सिंहभूम, आदिवासी हो समाज महासभा जिला समिति पूर्वी सिंहभूम, आदिवासी हो समाज केन्द्रीय समिति पूर्वी सिंहभूम, जमशेदपुर, आदिवासी हो समाज कल्याण समिति बिरसानगर, आदिवासी जन कल्याण समिति मानगो, आदिवासी कल्याण समिति आदित्यपुर, आदिवासी एसोसिएान सीतारामडेरा जमशेदपुर एमन एमन पूर्वी सिहभूम जिला भर रेन सबिन तंगन तंगन आदिवासी हो समाज समिति कोवः दिलङ 28 अगस्त 2022 मुसिङ गठित लेन समन्वय समिति पायते सामुहिक सामाजिक सम्मान कार्यक्रम ओत् गुरु लको बोदरा सम्मान समारोह आदिवासी एसोसिएशन हाॅल रे नेन सिरमा दिलङ 15 अक्टुबर रुईहर मुसिङ तरा सिंगी 2 बजे अयते 6 बजे जोङ रिका लेना। आबु हो दिषुम रेयः लोक-कला, लोक-संगीत, पिरकल-ड्रामा, दर्शन, विज्ञान, भाषा, साहित्य, गणित, शिक्षा, शोध ओन्डोः एटःअ् एटःअ् विषय क्षेत्र कोरे योगदान ओमेतन को उरुम नम केह कोएते सम्मानित कोतेयः शुरुआत सेनोःओ यन सिरमा 2022 रे ऊँकुड़ु लेना। लको बोदरा जयंती मनातिङ ऊँकुड़ु केन वाराङक्षिति मार्शल क्लब करनडीह रेन पुरा टीम को सेनोःओ यन सिरमा 2022 रे हो दिषुम तलामला विशिष्ट योगदान लगिड नेन ओत् गुरु लको बोदरा सम्मान तेको सम्मानित यना।
ओत् गुरु लको बोदरा सम्मान 2023 लगिड नेन सिरमा आपेःए हो को सलायन ताईकेना।
माङ-(पहला)
दोष ओकोयः?!! (सिरमा 1962, सिरमा 1977), आबेनःअ् उड़ुःउ! (सिरमा 1976), ओकोना बुगिना?!! (सिरमा 1975), ओकोए काजि दईयः?!! (सिरमा 1982) नेन उपुनिया हो ड्रामा लगिड नेन सिरमा 2023 रेयः ओत् गुरु लको बोदरा सम्मान 2023 आदिङ यन हो ड्रामा लेखक निर्देशक महीपाल बुड़ीउली तिकिन किन नमकेडा, नेना सम्मान होनते से’ड हर्षवर्द्धन बुड़ीउली अयःअ् परिवार कोलोःओ ते संगितेको तेलाकेडा।
दोसर-(दूसरा)
‘ई´ञः मईनगे षुकन बुरु जातरा’, ‘रापुडाकन नेपेल’, ‘होरा बागे होरा सेन’, ‘तुन्डु लड़ाई’, ‘जातीय धोरोम देशाउली’ नुतुम एमन एमन हो ड्रामा ओन्डोः ‘प्रेम ब्ह रेयः तुकम’ नुतुम हो दुरङ कैसेट बईकेन लगिड आदिङयन मदन सिंह बान्डरा तिकिन सिरमा 2023 रेयः ओत् गुरु लको बोदरा सम्मान किन नमकेडा। नेन सम्मान होनते से’ड चंदन बान्डरा ओन्डोः उन्डिते गोविन्द बान्डरा तिकिन बारो’ तेकिन तेला केडा।
तेहरा-(तीसरा)
कोल्हान एजुकेशनल चैरेटिबल सोसाईटी पायते हो दिषुम रेयः मियड माङ 10+2 आवासीय स्कूल बासाकुटी रे बईयोःतना। नेन कोल्हान माॅडल पब्लिक स्कूल लगिड 5 एकड़ 17 डिसमिल ओते दान रे ओम केड मांगता कांडेयोंग तिकिनो’गे सिरमा 2023 रेयः ओत् गुरु लको बोदरा सम्मान तेकिन सम्मानित यना।