ओत् गुरु लको बोदरा
आदिवासी हो भाषा साहित्य विकास लगिड वारांग क्षिति लिपि हिड नम पंजा नमकेन अनुसंधानकत्र्ता तिकिनःअ् जोनोम खंुटपानी प्रखण्ड रेयः पाहसेया हातु रे होबा लेना। हो भाषा साहित्य हरा संगेन रे पोम्पो, ब्ह बुरु बोंगा बुरु, बाकणा, रघुवंश, शिशु हलंग, षार होरा, होरा बरा एमन एसु महत्वपूर्ण कितब पुतिको किन ओल मसकल केना। अंङोःओ इपिल प्रेस झींकपानी रे स्थापना केडते वारांग क्षिति लिपि रे कितब को छपा एयोब एसु ममरंग पनाईटि किन ऊँकुड़ु केडा। हो भाषा रेयः ओल पड़ाव स्कूल स्तर अयते होबनचा मेनते आकिनः राष्ट्रीय स्तर रे प्रयास ताईकेना।
सिदियु तियु
ईचाः खड़कई बांध विस्थापन क्षेत्र रेयः बिटा हातु अयतेन वीर सिदियु तियु ज्ञानचंद जैन काॅमर्स काॅलेज रे वाणिज्य स्नात्तक पड़व तन तइकेना। अःए काॅलेज तइकेन अयतेगे कुजु गड़ा बांध विरोधी समिति रेयः लड़ाई रे गंगाराम कालुन्डिया केःए देंगाई तन तइकेना। ओते हसा बचाव तन लड़ाई सोमोय रेगे 1982 रे सोमोयझोपड़ी रे अज्ञात वास रे तइकेन इमिता ओत गुरु लको बोदरा तिकिनः भाषा-लिपि आंदोलनते एसु प्रभावित यना। 1986 रे लको बोदरा तिकिन दनंग यन चनब वारांग क्षिति मार्शल क्लब किन स्थापना केडा ओन्डोः भाषा-लिपि प्रचार पईटि जमशेदपुर अयते किन एयोब केडा।