हो सनागोम आकिडेमे नमा कुमुटि गठन यना ठाकुरमुडा रे
हो हयम सनागोम आकिडेमे ठाकुरमुडा शाखा ओन्डोः हो लैंग्वेज एजुकेशन काउन्सिल ठाकुरमुडा रेयः संयुक्त आयोजन रे हो ओतोल्ल ओन्डोः दुड़ु दुदुगर 22 जनवरी 2023 मुसिङ परमिला होटेल ठाकुरमुडा रे दिलि लेना। हो ओतोल्ल ओन्डोः दुड़ु कोवः नेन दुदुगर जुमुर रे एसु सिबिल नोगोड काबोय को आयुमते नमेेयना ओन्डोः ओतोङ लायक का’नि को नेन माचा रे आयुम यना। दुनुब मुतुल हिर्ला दिबाकर सोय ओन्डोः प्रो0 मथुरानाथ आल्डा तिकिनः मंच संचालन रे बुटा कुपुल लेकाते दिलि लेन हिर्ला डोबरो बुड़ीउली ओन्डोः कुपुल लेकाते बेटा जुड़ी कुपुल काशराय कुदादः तिकिनः उपस्थिति रे गोटा मयुरभंज जिला अयते हुजुः बेटा अकन दुडु कोरे कायरा ंिसंह बांदिया, दुसुरु जेराई, जयपाल मुन्दुईया एमनको अयर अकाना। नेन ओतोल्ल दुड़ु दुदुगर कोवः नेल होरो रेगे हो सनागोम आकिडेमे नमा कुमुटि गठन यना। एनरे गोमके (अध्यक्ष) पाईकिराय चाम्पिया चोमके (सचिव) माणिकराम केराई दिशा उदुब सलाहकार रुपते डोबरो बुड़ीउली ओन्डोः बुधन सिंह हेस्साः तिकिन सलायना किन।
आदिवासी हो भाषा साहित्य समिति गठित यना सरायकेला रे
आदिवासी हो द्वितीय राजभाषा जिला कार्य समिति जिला सरायकेला-खरसवां पायते दिलि लेन दुनुब रे बेटालेन जिला रेन हो भाषा भाषी साहित्यकार कोवः दुनुब साकि रे 28 मार्च 2023 मुंगड़ु हर मुसिङ आदिवासी हो समाज महासभा भवन बड़बिल रे आदिवासी हो भाषा साहित्य समिति गठन यना। आदिवासी हो द्वितीय राजभाषा कार्य समिति संयोजक हिर्ला काशराय कुदादः तिकिनः अनायर रे ओन्डोः बिक्रम मारला, सुशाल पाड़ेया, बुद्धेश्वर बारी, बबलु हेम्ब्रोम, सीताराम तियु, शिवा गोडसोरा एमन कोवः उपस्थिति रे सरायकेला-खरसवां जिला रे हो भाषा साहित्य विकास गतिविधि ओन्डोः साहित्यकार कोवः कुरुमुटु तेरसा लगिड गठित नेन समिति रे गोमके (अध्यक्ष) लेकाते हिर्रा सावित्री कुदादः, चोमके (सचिव) लेकाते हिर्ला माझी हेम्ब्रोम ओन्डोः मुरुई गोमके (कोषाध्यक्ष) लेकाते सुनील हेम्ब्रोम एमन पाईकि सदस्य को सलादूब यना। नेन नमा समिति सदस्य कोवः सनाला होबायन चनब नेन समिति सदस्य को उपायुक्त मानतेन अरुवां राजकमल लोःते नपम यनते नेन विषय रे सूचनाको ओमाडिया। उपायुक्त सयोब तिकिन पायते दिशा निर्देश नमयना चि नेया अंजाहते अंजाह पंजीकरण होबनचा।