बिरसा मेमोरियल आडिटोरियम, टाटा काॅलेज चाईबासा रविवार दिलङ 27 नवम्बर 2022 मुसिङ कोल्हान विश्वविद्यालय एवं रांची विश्वविद्यालय रे यु0जी0 पाठ्यक्रम रे शामिल अकन पुति ओन्डोः आदिवासी हो युवा साहित्यकार लेखक कवि सम्मानित डोबरो बुड़ीउली तिकिन ओलतड पुति हो हयम सिबिल दुरं दुनुवा मसकल चि संस्करण रेयः विमोचन बुटा कुपुल डाॅ. ए0 के0 सेन ओन्डोः दिलि कुपुल पूर्व विधायक मंगल बोबोंगा तिकिनःअ् तड़ाय तिह ते होबायना ओन्डोः नेन मसकल पुति दोंदो देंगा रे दुनुब मुतुल बागुन बोदरा, बेटा कुपुल मरकस देवगम, डाॅ. इन्द्रमनी गोप, सेंट जेवियर्स गल्र्स रेन प्रो0 मीनू कोड़ा, इंटर काॅलेज हो कला संगम संरक्षक रेंगो बोदरा, पूर्वी सिंहभूम जिला हो द्वितीय राजभाषा कार्य समिति रेन डाॅ. जानूम सिंह सोय, पश्चिमी सिंहभूम जिला हो द्वितीय राजभाषा कार्य समिति रेन हिर्ला श्याम लाल सिंह पुर्ति, सेवानिवृत्त संयुक्त सचिव, राजभाषा विभाग, गृह मंत्रालय, भारत सरकार एमनको ताईकेना।
आदिवासी हो युवा साहित्यकार ओताल्ल दुड़ु हिर्ला डोबरो बुड़ीउली तिकिन नाःअ् जोङ तंगन तंगन पुति को ओन्डोः सोशल मीडिया कोरे हो भाषा रे लगभग 1000 अयते लाःअ् कबोय (कविता) को किन ओल तडा। हो भाषा साहित्य हरा सगेन देंगा रे आकिनःअ् योगदान लगिड पूर्व क्षेत्र सांस्कृतिक केन्द्र कोलकाता, सांस्कृतिक मंत्रालय, भारत सरकार एवं सांस्कृतिक कार्य निदेशालय, झारखण्ड सरकार पायते ‘‘लाको बोदरा-साहित्य, भाषा, संस्कृति सम्मान 2021‘‘ से सम्मान किन नम केडा। आकाशवाणी चाईबासा रे हो भाषा रेन उद्घोषक डोबरो तिकिनःअ् रचना ‘‘आदिवासी दलित साहित्य‘‘ विनोवाभावे विश्वविद्यालय रेयः पाठ्यक्रम रे शामिल अकाना।
अबुवः हो वेबसाईट ‘दुपुब हुदा‘ रेयः विधिवत लोकापर्ण होबायना
27 नवम्बर 2022 मुसिङगे बिरसा मेमोरियल आडिटोरियम, टाटा काॅलेज चाईबासा रे डोबरो बुड़ीउली तिकिन ओलतड पुति हो हयम सिबिल दुरं दुनुवा मसकल विमोचन अवसर रेगे बुटा कुपुल डाॅ. ए0 के0 सेन तिकिन माउस क्लिक केहते अबुव हो वेबसाईट दुपुब हुदा (www.dupubhuda.org) रेयः विधिवत रुपते किन लोकार्पण केडा। नाःअ् दो हो दिषुम रेयः सबिन लेकन हुदा तनेरसा बुगिन पनाईटि को नेन वेबसाईट लेकाते ग्लोबल यना ओन्डोः पुरा विश्व रे अबुवः मंच तियर यना।
