रुईहर 30 अक्टुबर 2022 मुसिङ आदिवासी एसोसिएशन, न्यू सीतारामडेरा, एग्रिको, जमशेदपुर, झारखण्ड रे
पूर्वी सिंहभूम जिला रेन तंगन तंगन आदिवासी हो समाज समिति कोवः मियड समन्वय समिति आदिवासी हो द्वितीय राजभाषा जिला कार्य समिति पायते पुरा भारत दिषुम रे वाराङक्षिति लिपि रेयः प्रचार प्रसार ओन्डोः ओत् गुरु लको बोदरा तिकिनःअ् जोनोम दिलङ मनातिङ ऊँकुड़ु एयोब केन वाराङक्षिति मार्शल क्लब करनडीह रेन सबिन सदस्य को ओत् गुरु लको बोदरा सम्मानते-को सम्मानित यना।
नेना मांङ रेनाह (पहला) अवसर तना चि हो समाज तला रे भाषा लिपि प्रचार प्रसार तन मांङ (पहला) जा‘न मियड संगठन के समाज रेनको नेकन सम्मानतेको सम्मानितकेडको आ। वाराङक्षिति मार्शल क्लब रेन संस्थापक सचिव स्व0 सिदियु तियु तेकिनः दिशा निर्देशते जमशेदपुर अयते ओत् गुरु लको बोदरा तिकिनः जोनोम दिलङ 1987 अयतेगे मनातिङ आगुवा कना ओकोनाते पुरा हो समाज रेनको मियड ऊड़ुःउ सुतमतेको तोल इटिंग यना ओन्डोः भाषा लिपि रेयः प्रचार प्रसारते हो समाज रे मिड मोत मोंजोतो होबन तना। वाराङक्षिति मार्शल क्लब रेनकोवः नेन पायुष सामाजिक योगदान लगिड नेन सम्मानतेको सम्मानित यना। वाराङक्षिति मार्शल क्लब अध्यक्ष सम्मानित वंशीधर जामुदा तेकिनः अनायर रे सबिन सदस्य को मियड सम्मान पत्र, मियड मोमेन्टम ओन्डोः सदस्य मुतिड हतर लिजःअ् को तेला केडा।