सुन्दर सिंह बोदरा, विश्वनाथ सावैंया, रमेश तिरिया, मार्टिन देवगम, सोमनाई नाग, जयपाल करोवा, कमल करोवा, मनोज बुड़ीउली, नरेश बुड़ीउली, कृष्णा तिरिया, रामलाल बोदरा, रायसिंह सुन्डी, सुरेन्द्र बुड़ीउली, नारायण देवगम, श्याम समड, लाल केराई, लक्ष्मण हेम्ब्रोम (मिलर), अजय बोदरा, प्रधान हेम्ब्रोम (टारजन), प्रधान सुन्डी, बिरसा हांसदा, हर्षवर्द्धन बुड़ीउली (दीपक), एनी पुरती, चाॅकलेट बिरुवा, मालती समड, प्यास बिरुवा, सीमा बानरा, श्रीमती सावित्री कालुन्डिया, श्रीमती मनी तिरिया, एमन सबिन हो ड्रामा आर्टिस्ट को ओन्डोः मिसा ड्रामा स्टेज रे आगु उराकोवाबु ओन्डोः अबुवः हो ड्रामा स्टेज सजाव उरायाबु मेनते नेन पुरा झारखण्ड राज्य रे आदिवासी हो द्वितीय राजभाषा विकास पनाईटि रे महत्वपूर्ण भूमिका देंगा रे लगातिङ अकन सबिन संगठन को पायते आदिवासी हो समुदाय आदिवासी हो द्वितीय राजभाषा जिला कार्य समिति पूर्वी सिहभूम लोःते जिला भर रेन सबिन तंगन तंगन आदिवासी हो समाज समिति कोवः समन्वय समिति अनायर रे 27 मार्च 2023 सोमवार मुसिङ आदिवासी एसोसिएशन न्यु सीतारामडेरा रे जमशेदपुर रे अयर हो ड्रामा ओन्डोः नाःअ् नेन जोरोङ ड्रामा रेयः भविष्य विषय रे दुनुब जगर विचर होबायना। हो भाषा रेयः ड्रामा निर्माता निर्देशक ओन्डोः लेखक स्व0 महीपाल बुड़ीउली के अयःअ् जोनोम दिलङ रे श्रद्धांजली किन ओमेयना ओन्डोः गोटा जमशेदपुर नलाबसा रे मियड सोमोय ड्रामा दुदुगर केन हो ड्रामा कलाकार कोलोःते होबायन दुनुब रे हिर्ला सोनाराम बोदरा तिकिनःअ् अध्यक्षता रे नेया पोक्तायना चि हो ड्रामा ओन्डोः मिसा स्टेज रेबु आगुईया। नमा कलाकार कोलोःओ नमा तकनीकि सहयोगी को लगिड रोजगार रेयः नमा अवसर रेयः कुमु धरातल रेबु आगुईया। नेन अवसर रे स्व0 महीपाल बुड़ीउली तिकिनःअ् होनसेड् सुपुत्र हर्षवद्धन बुड़ीउली (दीपक) तिकिन नेया जानकारी किन ओमकेडा चि आकिनो’गे मियड कलाकार रुपते आकिनःअ् आपुतेयः मियड ड्रामा ‘‘ओकोय काजी दईयः!?’’ रे स्टेज किन त´ लेडा। दुनुब रे ड्रामा रेन लेखक निर्देशक तिकिनःअ् परिवार रेन सदस्य को तला अयते जया बुड़ीउली, नीतिमा बुड़ीउली, कमला बुड़ीउली, जयकुन्ति बुड़ीउली, नयनदीप बुड़ीउली, परिमा बुड़ीउली, मनदीप बुड़ीउली, भानु बुड़ीउली, एमनको तईकेना। दुनुब रेयः अध्यक्षता तनलोःते हिर्ला सोनाराम बोदरा तिकिन मेनकेडा चि दोरकर होबन रेदो नाःए ड्रामा रेयः रिहर्सल लगिड आदिवासी एसोसिएशन रेगे मियड रुम नियमितेयाबु ओन्डोः नमा-नमा कलाकार को मौकाबु ओमाकोवा ओन्डोः सला आगुकोवाबु। धन्यवाद ज्ञापन ओमेतन लोःते आदिवासी हो समाज महासभा जिला अध्यक्ष रैना पुरती तिकिन मेनकेडा हुजुःतन सितम्बर महीना रे स्व0 महीपाल बुड़ीउली तिकिनःअ् ड्रामा लोःते जुड़ी अकन सबिन कलाकारं को सामाजिक ओन्डोः सामुहिक लाको बोदरा सम्मान बु ओमाकोवा। नेन विचर आकड़ा रे आदिवासी हो समाज महासभा जिला कोषाध्यक्ष मासा सोय, कोलाय लामाय, काशराय कुदादा, बुद्धेश्वर बारी, शिशु सावैंया एमनको बेटालेना।